ઘઉંની ચીકી
સામગ્રી :
150 ગ્રામ ઘઉં,
100 ગ્રામ ચીકીનો ગોળ,
2 ટી સ્પૂન શુદ્ધ ઘી,
2 ટી સ્પૂન સૂકા કોપરાનું છીણ,
2 ટી સ્પૂન પાણી
પા ટી સ્પૂન સૂંઠ (દળેલી)
પા ટી સ્પૂન પીપરી મૂળના ગંઠોડા (દળેલા)
પા ટી સ્પૂન કોર્ન ફલોર
2 ટીપાં ગુલાબનું એસેન્સ.
રીત:
સૌપ્રથમ ઘઉંને સાફ કરી બરાબર ધોઈ એક કલાક પલાળી દો. પલળી જાય પછી પાણીમાંથી નીતારી સૂકવી દેવા. સૂકાઈ જાય પછી અધકચરા કરી નાખવા (શેકીને અધકચરા કરવા લાપસી જેવા). પછી એક હિન્ડોલિયમની તપેલીમાં પાણી અને કોર્ન ફલોર મિક્સ કરી નાખવું. પછી તેમાં સૂંઠ, ગોળ, ગંઠોડા, તલ, કોપરાનું છીણ અને એસેન્સ નાખી ગેસ પર મૂકવું અને પાયો બનાવવો. પાયો બની જાય એટલે અધકચરા કરેલા ઘઉં નાખીને મિક્સ કરી નાખવું. પછી એક થાળીમાં ઊંધી બાજુ તેલ લગાડી તેમાં ઠારીને પાથરી દેવું. જરાક મિશ્રણ ઠંડુ થાય પછી ટુકડા પાડવા.