સાત્વિક ચીકી
સામગ્રી :
100 ગ્રામ ઘઉં,
100 ગ્રામ સોયાબીન,
100 ગ્રામ દાળિયા,
50 ગ્રામ ખારેક,
50 ગ્રામ અંજીર,
300 ગ્રામ ગોળ,
2 ચમચા ઘી,
1 ચમચો મધ,
સૂંઠ + ગંઠોડા પાવડર.
રીત :
સૌપ્રથમ ઘઉં, સોયાબીન, દાળિયા ધીમા તાપે જુદા જુદા શેકો. ખારેકના ટુકડા કરો. ઘઉં, સોયા, દાળિયા, ખારેકનો ગ્રાઈન્ડરમાં જાડો ભૂકો કરો. હવે પેણીમાં જરા પાણી, 1 ચમચી ઘી-ગોળ નાખી ચાસણી કરો. ચાસણી થાય એટલે સૂંઠ પાવડર, ગંઠોડા પાવડર અને દળેલો લોટ નાખો તથા અંજીર-મધ નાખી બધું બરાબર હલાવો. તૈયાર થાય એટલે ઘી લગાડેલી થાળીમાં પાથરો. જેવા ગમે તેવા મનપસંદ ટુકડા કરો.